श्रीमती कमलताई वैद्य
संस्कृत दिनानिमित्त श्रीसमर्थ वाग्देवता मंदिर, धुळे आणि संस्कृत संवर्धन मंडळ, सांगली यांनी चारशे वर्षे पुरातन रामदास स्वामी यांनी लिहिलेल्या संस्कृत वाल्मीकि रामायण पोथीचा परिचय कार्यक्रम आयोजित केला. श्रीरामभक्त, ज्ञानोपासक श्रीमती कमलताई वैद्य (वय ८६ वर्षे) यांचा सत्कार केला. त्या निमित्ताने....
१९२७ साली मद्रास येथे श्रीमती कमलताई यांचा जन्म झाला. त्यांचे आईवडील सुज्ञ, सुशिक्षित व सुसंस्कारित होते. स्त्रियांनी शिकले पाहिजे हा त्यांचा आग्रह व कटाक्ष होता. कमलताइंर्ना धार्मिक व आध्यात्मिक शिक्षणाचे संस्कार मिळत गेले. त्यांचे दहावीपर्यंतचे शिक्षण आणि आध्यात्मिक ग्रंथांचे वाचन वडिलांनी करून घेतले.
वयाच्या पंधराव्या वर्षी त्यांचा विवाह डॉ.बाळकृष्ण श्रीपाद वैद्य यांचेबरोबर मुंबईस झाला. सासरे डॉ.श्रीपाद महादेव वैद्य हे अध्यात्मातील उच्च कोटीला पोहोचलेले गृहस्थ. त्यांनी कमलताइंर्ना अध्यात्मातील खूप पुस्तके वाचायला दिली. १९५१ साली स्वामी प्रज्ञानानंद हे इस्लामपूरला आले होते. ते डॉ.वैद्यांच्या घरी आले व त्यांनी उभयतांना अनुग्रह दिला. स्वामी प्रज्ञानानंद यांनी कमलताइंर्ना रामोपासना व बाळकृष्णपंताना श्रीदत्तउपासना सांगितली. स्वामींच्या भेटीचा योग श्री.ना.भा.जोशी, कुंडल यांच्यामुळेच आला.
सन १९५१ पासून कमलताई तुलसी रामायण वाचू लागल्या ते आजपर्यंत. त्या बोलू लागल्या म्हणजे स्वत:ला विसरून भरभरून तुलसी रामायणाबद्दल बोलतात. समोरचा मनुष्य अवाक् होऊन जातो.
कमलताइंर्नी विवाहानंतर १८ वर्षांनी एस.एस.सी.ची परीक्षा दिली. पास झाल्या. १९६५ साली त्यांच्या पतीचे निधन झाले. रामकथेचा आधार आणि गुरूंच्यावर निस्सीम श्रद्धा यामुळे त्यांना कष्ट वाटले नाहीत. १९६६ पासून अभ्यास करून एम.ए.ची पदवी प्राप्त केली. एकनाथी भागवतासारख्या ग्रंथावर अभ्यास पूर्ण करून १९८७ मध्ये पीएच.डी. प्राप्त केली. वयाच्या साठाव्या वर्षी त्यांनी हे यश प्राप्त केले.
स्वामी प्रज्ञानानंद यांचे चरित्र त्यांनी प्रसिद्ध केले. गोस्वामी तुलसीदास यांचेही चरित्र प्रसिद्ध झाले आहे. परांडा (जि.उस्मानाबाद) येथे भव्य शिल्प श्रीराम विश्रामधाम, प्रज्ञानानंद स्मारक यात कमलताइंर्चे फार मोठे योगदान आहे.
कमलताइंर्ची दिनचर्या पहाटे २.४५ ते ५.०० ध्यान व मानसपूजा, अजपा जप, अखंड लिखाण, वाचन इ. वर्तमानपत्र व दूरदर्शन वाचणे-पाहणे पूर्ण बंद.सर्व संतमहंतांशी संपर्क, प्रत्येक जीवात राम पाहून सौहार्दपूर्ण वर्तन.
- शाम रघुनाथ साखरे, मिरज
Comments
Post a Comment